الرئيسيةاليوميةس .و .جبحـثالتسجيلدخول

شاطر | 
 

 طقطقة في مكينة اليوكن ورجة عنيفة.. وتشخيص مركز البيان النصابين.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الله التلهاسي



عدد المساهمات : 1
تاريخ التسجيل : 25/12/2011

مُساهمةموضوع: طقطقة في مكينة اليوكن ورجة عنيفة.. وتشخيص مركز البيان النصابين.   الأحد ديسمبر 25, 2011 9:20 pm

سيارتي يوكن2007 وارد سعودي.
شغلتها صباحا قبل أسبوعين.. وقضيت كم مشوار..فجأة خرجت صوت طقطقة ورجة عنيفة جدا في المكينة مع نتعة قوية في القير.. وأضاءت شارة المكينة.. ومسجات عن توقف التركشن..
وديتها محطة الجميح كويك..فحصوها كومبيوتر وقال المكينة فيها تهريب كهرباء.. والبواجي والكوايلات سليمة.. ولا نقدر نصلح المشكلة..لازم توديها الوكالة لأنها فوق إمكانياتنا.
نصحني زميلي اوديها مركز البيان لصيانة السيارات في حي الملك فهد.. وبالفعل وديتها.. وبعد فحص دام عدة ساعات قام به فني فلبيني.. جاءني الخبر الصاعق من مدير المركز(سوري الجنسية)..وقال: كل الفحوصات تدل على أن الكهرباء سليمة..يعني المشكلة من جوا المكينة.. ولازم فك المكينة وفحصها جوا.. ونسبة95% تكايات الزيت.. وتكلف حوالي(7000)..(3000) شغل يد و(3000) قطع..يمكن تزيد أو تنقص..!!
قلت فيها فك مكينة وتوضيب...؟!!
قال: نعم..
قلت: ليه..؟!!
قال: عيب مصنعي..!!
قلت: وش هالعيب اللي توه يطلع..؟!!
قال: عادي... فيه سيارات على طول يبين العيب... وسيارات تحتاج سنوات من شان يبين..!!
وشوف كل اليوكنات الموقفة في المركز هذي مثل حالتك..وفكينا مكاينها وغيرنا التكايات طقم كامل.. واحنا كتبنا للوكالة بهالشي.. وإن فيه خلل مصنعي.. وبيطلع من المكينة حاجة زي السخم أسود..لازم تتنظف من جوا.
قلت باستخير وأرد لك باكر الصبح..
استخرت ولا ارتحت.. ومن ثاني يوم وأنا مصبح عندهم دفعت(150) حق كشفية وأخذت السيارة على الوكالة..
بعد ما سويت الدخول..لاحظت المهندس المصري ما هول الموضوع ولا قال شيء.. عطاني ورقة الدخول وقال باتصل عليك بعد الفحص..
اتصل ثاني يوم.. وقال المشكلة عندك في: سويتش الكهرباء.. وفيوزين ضاربة..والثلاجة... وتحتاج تنظيف بخاخات.. وممكن تكلف (4000) ريال..قلت توكل.
كم يوم إلا ويرسل رسالة السيارة جاهزة والتوتل ككل(3400) ريال بعد الخصم...
ولافيها فك مكينة ولا هم يحزنون.
بعد ما استلمتها سألت المهندس عن تغيير التكايات...ضحك وقال: دول نصابين.
وقال إن أكبر سبب للمشكلة عندي استعمالي لفلاتر غير أصلية.. أتاريه أبويمن يضحك علي ويحلف إنها وكالة.


المهم نصيحة لكم:
1ـ اشتر كل فلاترك من الوكيل مباشرة ولاتثق في عمال غيار الزيوت في المحطات... خاصة أبويمن.
2ـ أفحص سيارتك في الوكالة أولا...إذا جاز لك السعر وإلا شف مركز محترم.. وتكون عارف المشكلة ومقدر الثمن من قبل.


والله هذا ماحدث لي.. وأحمد الله إني ما سمعت كلام مركز البيان النصابين أو الفاشلين في تقدير الأمور والكشف عن الأعطال.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طقطقة في مكينة اليوكن ورجة عنيفة.. وتشخيص مركز البيان النصابين.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة ملاك اليوكن والتاهو :: قسم الصيانة :: الكهرباء-
انتقل الى: