المساهر
عدد المساهمات : 4 تاريخ التسجيل : 09/02/2009
| موضوع: مشوره من اخوانى الإثنين فبراير 09, 2009 2:52 pm | |
| السلام عليكم ورحمه الله يااخوااان ابى المشوره بحكم اقتناءكم لسيارات جى ام وشفرليت ( تاهو / يوكون ) انى بصراحه عينى عليهم من فتره عاجبنى الشكل بصراحه ومعى الان برادو gxطبعا المقارنه فوق المستحيل وافكر ابيعه واشترى يوكون او تاهو من 2007 وفوق ومره اقول ياولد جديد والرزق على الله بس قيمته عاليه بالنسبه لى يطلع قيمه شقه المشوه اللى ابيها كالتالى :- \ انا مدمن تايوتا من عام 99 وبصراحه نفسين مرتاح بس من نزل 2007 وهو خارشنى وابى اعرف وش رايكم وبالاخص انا محافظ جدااا هل يصلح موتر استخدام يومى وسفر وصيانته قليله او متعبه وهل خرباته واجد ولا كيف ... وخاصه وسالفه القير بالتاهو واليوكون كثير اسمع اعطالها من بعض المنتديات .. وكم تتوقعون يوصل قيمه المستعمل نظيف من 2007 الى 2009 والافضل ls او القصير ابى المعلومه وجزااكم الله كل خير | |
|
سليمان911 مدير عام
عدد المساهمات : 72 تاريخ التسجيل : 15/12/2008
| موضوع: رد: مشوره من اخوانى الإثنين فبراير 09, 2009 8:03 pm | |
| وعليكم السلام والرحمه
اول شي طال عمرك استأجر لك تاهو او يوكن وجربها بنفسك
بالنسبه للموتر راحه وعزم تبيه بخطوط مايقول لا تبيه بالبر ماشاء الله مايقول لا
والصيانه الله يطول بعمرك مافيه موتر مايبي صيانه ولاهيب مكلفه وخراباته تعتمد على السواق
عندي اللحين تاهو له 3 سنوات ومشاء الله ماطلب شي والمعلومات الشفر يجي 3 درجات ال اس اللي اهو السياحي وال تي النص فل وال تي زد الفل اوبشن الفرق بالاكسسوارات بس
واسعار المستعملات موديل 2008 بن الـ 90 و الـ 100
ويجيك ابو خالد مب مقصر معك ويعطيك معلومات عن اليوكن
وا اسئل طال عمرك احنا حاضرين
والله يعطيك خيره ويصد عنك شرها
| |
|
alarrak2001 مشرف عام
عدد المساهمات : 123 تاريخ التسجيل : 10/01/2009 العمر : 51
| موضوع: رد: مشوره من اخوانى الخميس فبراير 12, 2009 5:52 am | |
| السلام عليكم ورحمة الله وبركاته حيالله اخونا مساهر واهلا بك بالمنتدى واشكر اخوى سليمان على ما اسلف وازيد عليه بكل ثقه ان اليوكون والتاهو لا يعلي عليهما ليش ؟ اخذ عندك اولا حجمه اللى يشيل ثمان اشخاص براااااااااحه واسأل اللى سافرو عليه والراحه اللى ما توصلها اعرق الجيبات حتى على الطرق الصحراويه ثانيا سعره اللى مناسب جدا للغالبيه ويؤدي نفس مهام جيبات اسعارها فوق الميتين وعلى الفاضي ثالثا صيانته سهله ومتوفره قطع غياره وباسعار معقوله بعكس بعض الجيبات اللى تصلخ وجه راعيها عند الصيانه رابعا استهلاكه للوقود معقووووله جدا جدا والخزان سعته فوق التسعين لتر ومسافه القياده تصل لستمائه وخمسين كيلو متواصله خامسا تصميمه الراااااااااائع والحلو وانت بنفسك قلت هالكلام سادسا الخدمات والمواصفات والاوبشن كلها اختياريه ومتوفره واسعارها جدا معقوله مثل الاكسسوارات 000 الخ سابعا كفاءه وجوده السيارات من هالنوع وتقدر تسأل كل واحد اقتني هالنوع والتفت حواليك والا تلفت بالحاره راح تلقي كل بيت تقريبا يملك اليوكون والتاهو او الساوبربان وبجميع الموديلات ومتمسكين فيه
اخيرا اخي العزيز مساهر وكل زوار المنتدى تبقي الرغبات والقناعات مختلفه ولو تشابهت الاذواق لبارت السلع اما الخوف من الصيانه وكثرت الاعطال اخذها من اخوك الاعطال لهما سببان لا ثالث لهما الاول ان القطعه استهلكت وانتهي عمرها الافتراضي ولا زم تتبدل والثاني سوووووء استخداااااااام والله يوفق الجميع للخير
اخوكم المحب
ابوخالد العراك | |
|