التوكيلات العالمية للسيارات

السلام عليكم ورحمة الله وبركاته
ياشباب انا هنا على شان انصحكم نصيحة لوجه الله
انا شريت تاهو 2008 من التوكيلات العالمية للسيارات بجدة
الشيء الاول انا شريت من التوكيلات على شان سمعت عنهم انهم يستقبلونك احسن استقبال عند الصيانة ويقولوا ان الصيانة في التوكيلات افضل صيانة توكلت على الله ورحت وشريت من عندهم طبعا الاستقبال في البداية كان ولا اروع منه لدرجة ان الموظف طلع يسلم علي في وجهي من الفرحة وكانه يعرفني
وبعدين في الصيانة الله لايوريكم انقلب الحمل الوديع الى كلب متوحش اكرم الله الموجودين في المنتدى صاروا كانك تسوي الصيانة من جيوبهم
الزبدة صيانتهم اقرف صيانة اذا ع ندك ملاحظات في السيارة يقولوا لك تعال بعد 3 ايام تروح وتجي تلاقيهم غيروا زيت وفلتر والملاحظات مكانك سر ماصلحوها
وسلامتكم
اللي يبغى يشتري يروح الجميح او بالبيد
والسلام خير ختام

السلام عليكم

اولا لا تسكت وارفع شكوي فى الاداره ولو لزم الامر توصل للمدير او مالك الشركه
ثانيه نظم حمله تصدى جديده ههههههههههه خلنا نحوسهم

ثالثا احنا بالكويت شى ثاني انا فكيته من باب الوكاله 2008 وعداد البانزين خربان ههههههههههههه
قسما بالله العظيم ما اضحك ولا صلحوه بهبهاني الا بعد ستة شهور

بس المعامله كانت لا باس لانهم ناطرين استيراد القطعه من امريكا

عموما ان اليوكون كفو ويستاهل فلوسه والتاهو بعد لا يزعلون الشفراويه

سلام عليكم[center]

مو هذا اللى مقطعن بطنى هالصيانه واخبارهم

والله انى انحست اشترى ولا لا

alarrak2001 كتب:

السلام عليكم
يا اخوان لا نغالط انفسنا
ترى كل الوكالات عندها نفس المشكله
ادخل الي جوجل واكتب اعطال مرسيدس وبي ام و و و
راح تلقي عشرات القصص
يا اخوان اهتموا بالصيانه والاعطال
ولا تركبون شي تجارى
ادفع كم دينار زياده وريح راسك
واتحدي واحد يقول السياره الفلانيه ما شاءالله عليها ما تخرب
كل السيارات تخرب
وكلها فيها عيوب مصنع شى ظاهر وشى ما درينا عنه
والله الموفق

اخوكم
ابوخالد العراك

وعليكم السلام ورحة الله وبركاته


يالغالي مب مسئله نغالط انفسنا الخراب والخلل المصنعي لابد منه

بس المشكله لمن تكون الوكااله تعاملك بزفت وفي الصيانه تطول عندهم ورافعين الاسعار بالهبل عشان زيت وسيفوون وتشييك

والا لا صار عندك عطل مايستاهل راح يضبطه لك ويغير قطعه ثانيه جديده يروح يغيرها لك عشان تدفع لهم زيادة

وبعد ماتظمن انهم ركبو القعطه جديده ولا مستعمله ولا مالمسو الموتر من الاصل

والغبنه ان السياره واهي في سيفنه الشحن تتعرض لخدووش وممكن عفط في البودي يسمكرونها هنا ويبيعونها على انها جديده وياخذون فلوس التأمين من شركة جنرال موترز

ولا يوكن دينللي مودل 2007 جديد مسمكر كامل ومبيوع بالقيمه المتداوله (مدري كم كان اول) بس يبيعونه على انه جديد

خلها على الله يابو خالد



في امان الله