طقطقة عند التشغيل في الصباح البارد < تاهو + يوكن ؟!!!

بسم الله الرحمن الرحيم

السلام عليكم ورحمة الله وبركاته < يالله حيييي الرجاجيل اقلطواااا
هلا بكم جميع ..
اخواني انا بصراحة عضو اقرا دائماً لمنتداكم ولكني لا اضع ردود وانما اقرأ وبصراحة اسفدت كثير من هالمنتدى الرائع وفيه بعض المنتديات الاخرى ايضاً في نفس المجال وهو مجال السيارات و الكشتات عموماً !
اتمنى انكم ترحبون فيني وتقبلوني كـ صديق لكم بين هذا الصرح الجميل وانا بصراحة يسموووني الفاهم لكن مو الفاهم اللي على مسلوق هههه لااا !!! اعجبكم يااالطيبين
اخلص علينا قبل لا يقوم الطق < ان شاء الله شباب ولا يهمكم

طبعاً انا يطول لي بعمركم مهندس لكن مو في السيارات في مجال آخر لكني احب التفاصيل واحب اسوي تجارب بعمري قبل غيري طبعاً ..
طبعاً انا عندي موتر كنت شاريه بخيشة فلوس وهو تاهو موديل 2010 < قولوا لااله الا الله ياجماعه الخير
في الاونة الاخير ومع هالشتاء الطيب يخليكم ربي وفي يوم من الايام جيت بطلع لي طلعه مع واحد من الشباب
المهم شغلت الموتر برموت التشغيل عن بعد ..
إلا واسمع ذيك الطقطقة في ماكينة الموتر قلت لاحوووول الظاهر خويي الي معاي صاب الموتر بعين قلت قسم يقوم الطق وذ لحين وياذابح ولا مذبوح
المهم قلت من وين هالطقطقة ياربي ؟ من وين ياعباد الله جااااات الموتر مافيه شي شلوووون !!!

واشغل لقافتي وتجاربي الجهنميه واجرب لكم على موتري ذيك التجارب السنعه واطلع لكم بذيك الدهنه اللي يحبها قلبكم وهي بخصوص الطقطقة اللي تطلع مع تشغيل السياره في الجو البارد وخاصة في الصباح وماتروح الا لما يسخن الموتر بشكل جيد


نصيحتي لكم جميعاً ياملاك السيارات من نوع ( تاهو ) و ( يوكن ) هي كالتالي :

1- لا تقم بتشغيل السيارة بواسطة الرموت ابداً إلا في حالة الضرورة القصوى بحيث لا تتعدى تشغيل سيارتك بواسطة الرموت عن 3 مرات في الشهر ويجب ان يكون الجو صيفاً لا شتاءاً - بمعنى لا تقم بتشغيل السيارة بالرموت في الشتاء مطلقاً.

2- قم بتشغيل السيارة بواسطة المفتاح وبالطريقة التاليه :

أ - ادخل مفتاح السيارة في ( السلف ) وادر المفتاح على وضعيه ماقبل التشغيل بحيث تعمل جميع اللبمات الموجودة على لوحه المعلومات وانتظر حتى تنطفأ جميعها ثم أنتظر لمدة 15 - 20 ثانيه بعد ان تسمع الطنين وانطفاء جميع اللمبات.

ب- حرك المفتاح بإتجاه التشغيل الكلي واعطني رأيك في صوت المحرك و هل توجد طقطقة ام لاا حتى لو كنت بالشمال بوسط البر لن تسمع ان شاء الله طقطقة للمحرك واقصد بالطقطقة تلك التي تظهر نتيجة برودة المحرك و نتيجة ظهور صوت التكيات

في الحقيقة انا جربت هذه الطريقة والان لا اسمع صوت الطقطقة بعد ان كنت اسمعها حينما اقوم بتشغيل السيارة بواسطة الرموت وليس المفتاح

ويا اخوان انا لست بميكانيكي ولا اعرف في صيانة السيارات شيء غير انني استطيع تغيير البنشر الله يبعده عنا وعنكم وبعض الشغلات الخفيفه مثل التشيك على الزيت وموية المساحات و لا اصل الى خبره المتخصصين ولكن فكرتي هذه جاءت بعد ان اعتقدت والله اعلم ان هذه الطريقه تسمح بعمل طرمبه الزيت قبل التشغيل الفعلي للسيارة بحيث عند فتح السلف والانتظار لمدة 20 ثانيه فـ اعتقد ان الكهرباء تصل الى اجزاء كثيره منها انوار السياره الاماميه والخلفيه فما بالك بالاجزاء الداخليه مثل طرمبة الزيت ؟؟ !!!!!


واعتقد ان المتخصصين في هذا المجال لهم رأي اتمنى ان نرى رأيهم في ذلك وهل فعلاً حين فتح السلف تصل الكهرباء الى طرمبة الزيت وهل فعلاً تقوم الطرمبة بدفع الزيت الى المحرك حتى قبل اقلاع او تشغيل المحرك ؟؟

وخير دليل هو ان تجرب اخي القارىء ذلك ان تقوم بفتح السلف والانتظار حتى إنطفاء جميع اللمبات التحذيريه ثم الانتظار لمدة 20 ثانيه وخاصة في الصباح الباكر حينما يكون المحرك بارداً واتمنى ان ارى نتيجة تجاربكم هنا في هذا الموضوع والله يحفظكم ويحفظ الجميع وجعلكم تتهنون بمواتركم ويبعد عنكم الشر و تاخذون من خيرها -- اللهم امين ولا اسألكم الا الدعاء لي بالتوفيق و انتظروني في تجربة اخرى من تجاربي الجهنميه



تحياتي

اخوكم



selver050

[color=darkblue]

السلام عليكم ورحمة الله وبركاته انا عندي يوكن 2007 slt امريكي حتى انا مثلك يا اخوي تفاجات يوم اجي واشغل السيارة اسمع صوت الطقطقه هذي اللي عند الميكنه وانا من يوم ما امتلكت السيارة وانا ما اشغل الا زي ما قلت انت يا اخوي :

1- بعد ما ادخل المفتاح والفه اللفه الي من بعدها تشتغل الساعة وتشتغل لمبات القير واثناء هذا كله رح يطلع صوت الجرس الخفيف

2- وبعد وادور المفتاح وتشتغل اللمبات وتشتغل كهربة السيارة وتطلع الاجراس الخمسه

3- وبعدها سم الله وشغل السيارة.......................واضمنلك 100 % انك ماتسمع اصوات الطقطقه

[/color]