السلام عليكم
وكل عام وانتم بخير وعيد الاضحى مبارك على الجميع تقبل الله منا ونمكم صالح الاعمال
في البدايه صارت لي مشكله بسيار اليوكون 2007 وهي كالتالي:
شغلت السياره في الصباح وسمعت صوت طقه خفيف جدا وبعد مشوار يمكن 3كيلو فقط زادت الطقطقه بشكل قوي جدا اوقفت السياره وحملتها بسطحه وعلى الوكاله لقيتهم على وشك يقفلون للعيد وقابلت مسؤول وبعد ماكشف على السياره قال انصحك تروح لورشه ثانيه لاننا بالوكاله نغير كل شيء وبتكلفك حوالي 15000 الف ريال .
وديتها لورشه قريبه منهم وقالي الفني الموجود فيها -هندي الجنسيه- المشكله في التكاكات وطرمبة الزيت - وشغل يدي 2500 ريال اتفقت معه على 2000الفين ريال فقط وجبت قطع الغار حوالي 3500 من محل التقوى بصناعية العاصمه بالبديعه - فك الصدر وركب القطع شغلت السياره الماكينه بدون صوت ولكن وللاسف امبير الزيت تحت الربع رفضت استلامها وصار مشكله كبيره معهم واصريت على عدم استلامها وقلت ابي سيارتي سليمه لان القطع اصليه حسب كلام محل التقوى.( مدير الورشه سوداني ابوبشير للامانه كان في صفي ومع الحق جزاه الله خير) بعد اخذ ورد طلب تغيير منظم الزيت قيمته 1300 تقربا ورفضت وقلت له جرب طرمبه من الوكاله قال الفني الهندي جب طرمبه من الوكاله وانا اضمن لك ان امبير الزيت فوق الربع قريب من النص كما كانت .
وفعلا جبت الطرمبه من الوكاله بسعر 670 ريال وظبط السياره ولله الحمد وذهبت الى محل التقوى ورجعت طرمبتهم عليهم واخذت فلوسي وكانت 380 ريال
ارجو الانتباه لا تاخذ الا من الوكاله وريح راسك فقد تعطلت 8 ايام بسبب طرمبه تجاريه خربانه حسب كلام موظف محل التقوى يقول حنا تاخذ القطع بالمئات ويمكن عطلانه حسبي الله عليهم
ملاحظه الهندي اخذ مني 650 يقول خرط الصدر واصلاح بلوف - وعندما سالت المخرطه قال نخرطه ب 250 فقط وهي صنفره وليست خرط
هذي تجربتي احببت نقلها لكم للاستفاده فقد خسرت الكثير من المال والجهد اسأل اله ان يخلف علي بالبركه والحمد لله على كل حال
تحياتي للجميع - الرياض الاحد 1434/12/15
الإثنين أكتوبر 21, 2013 2:49 am