مشكلة كبيره بالنسبه لي (ارجو الدخوول)

السلام عليكم ورحمة الله وبركاته


حيا الله الاخوان كلن باسمه


شخباركم ان شاء الله بخير


المشكله الله يطول اعماركم في القير اذا شغلت الدبل على الاوتماتيك وطفيته او اذا طولت ماشغلت السياره


واللي هبل بي لابغى يغير النمره من الاول الى الثاني يطق طقه قويه والموتر يرجف وراسي يهتز مع الموتر


وبعض الاوقات يفووحط الموتر طبعا مع الطقه في القير , ضنكم وش منه


والمشكله الثانيه في لمبة حساس هواء الكفرات مولعه ويقول شيك عليها


والمشكله الثالثه في المسجل وملاحظ مب انا لحالي اللي طلعت عنده هالمشكله السي دي مايطلع من المسجل


لحول ولاقوة الا بالله العالي العظيم


جبتها لكم بالمجمله

ان شاء الله الاقي عندكم حل لو لمشكله وحده


الله يرضى عليكم لاتقولون رح الوكاله او على الظمان الوكاله مخليها اخر الحلول او اذا طاح القير لاسمح الله


السياره تاهو الموديل 2007 الممشى 21 الف


في امان الله

شكلكم مقاطعيني

شدعوه مافي احد يعرف لو حل وااحد

نرفع الموضوع

ابشركم القير وحصلت حل لمشكلته

الشغله كلها حساساات الحمدلله

السلام عليكم

كيف الحال ؟؟

اول شي بالنسبه للقير الحمد لله ان المشكله انتهت عندك

الشي الثاني مشكلة السي دي عند الكل مثل ما ذكرت
بس الحل لها انك تجيب سي دي ثاني وتشرق الاول
يعني اضغط على اللي يطلع السي دي وبعدين قردنه بالسي دي اللي في يدك لين يطلع
انا بالنسبه لي انحلت مشكلتي لاني ما احتاج السي دي الله يخلي الاي بووود
دام الموتر فيه مدخل اي يو اكس وشوله السي دي

تحياتي اخوي

خخخخخخخخخخ كفيت ووفيت


بالسبه لؤشر ضغط الاطارات هذي انا اسميها التقنيه البايخه اللي مالها لزووم


هذي اذا ولعة شيك على الكفرات واحيانا تعلق في الحر ولازم تروح تسوي لها برمجه في الوكاله


الارااااك انت تقول ان الكفر اللي قدام يمين نايم والجهاز يقولك اللي ورا شمال انا اقولك ليش الموتر مو خبل الوكيل هو اللي خبل


الحين لما الواحد يروح يسوي صيانه عند الوكيل يتأكد انهم راح يسوون برمجه للجهاز

لان في صيانة 15000 او 10000 يقوومون يسوون حركة X بالكفرات يعني اللي قدام يمين يحطونه مكان ورا شمال والعكس

لكن الدلوووخ ما يرجعون يبرمجون الجهاز

انت تدري الحين الكفر حق موترك اللي قدام يمين يحسب نفسه ان مكانه ورا شمال الى الحين ؟؟

الحساس حق الجهاز موجود بين الكفر والجنط يعني لازم اعادة برمجه اذا غيرت مكان الكفر وتعرفه بمكانه الجديد



نحياتي

مخربها كتب:

السلام عليكم

كيف الحال ؟؟

اول شي بالنسبه للقير الحمد لله ان المشكله انتهت عندك

الشي الثاني مشكلة السي دي عند الكل مثل ما ذكرت
بس الحل لها انك تجيب سي دي ثاني وتشرق الاول
يعني اضغط على اللي يطلع السي دي وبعدين قردنه بالسي دي اللي في يدك لين يطلع
انا بالنسبه لي انحلت مشكلتي لاني ما احتاج السي دي الله يخلي الاي بووود
دام الموتر فيه مدخل اي يو اكس وشوله السي دي

تحياتي اخوي

هلا والله وغلا بمخربها وعليكم السلام والرحمه
يسرك الحال انت شلوونك
والله القير مانتهيت منه بس عرفت مشكلته

والسيدي بعد هالحركه اسويها

الله يعطيك العافيه يالغلا وماقصرت

alarrak2001 كتب:

السلام عليكم


يا حيالله السلمي


واحشني والله


اسمع يا الغالي


بالنسبه للقير والدبل


للعلم اقرأ الكاتالوج راح يقولك انه احيانا الدبل


ما يفصل فصل كامل


ولازم تحط القير على البوش او حرف ال : ن بالانجليزي طبعا بسمالى خلق اكتبه بالانجليزي


هههههههههههههههههه


وتطفي الموتر وترد تشغله


والحمدلله انك حليت المشكله


بس الله يرحم والديك


اقرأ الكاتالوج ... ليش مستهينين فيه


ترى فيه تنبيهات مهمه جدا جدا تغنيك عن الوكاله ودوختها



الشي الثاني


حساسات هوا الكفرات عندى دايما شغاله لان الموتر يبطي واقف

ومرات الكفر الامامى يمين قدام عيني نازل هواه

والمؤشر يقول لى ترى الكفر الخلفي شمال نازل هواه

هههههههههههههههههه


موتر خبل بالحييييييييل


بس انا طبيعتي ما ادهر مع كل لمبه


مطنشه .... ولا ارد عليه


وطيع شوري ثق بعيونك ...


ولا ترد على هاللمبات



وبالنسبه لمشكلة السي دي

هذا الله يسلمك لما تمشي على طرق وعره

( احرص على التعبير اللغوى بالوعره ههههههههه )

يقول ميزان البوكس يختل شوي ولما يكون شغال وانت تسوق

على اسفلت تعبان تلاحظ انه يعلق او يقطع


صح والا لا ..؟ ( قول صح تكفاااا )


ما عليك الا انك تسوي طريقه مخربها وتخربها

هههههههههههههه


او تروح لاى مصلح سي ديات

وتقوله عاير او وازن السي دي


( بس تعبت )

مع السلامه

ياهلا والله ومرحبا ومسهلا

حياك ربي يابو خالد وين الناس

ياجدي القير حالته حالته والمشكله من زمان واهي موجوده من قبل موديلات2000 مب في موتري بس يعني خلها على الله

والدبل تمام مافيه شي بس القير اهو اللي غابني ياعمي خله يخرب بس لايطيح عزمه



وحساس الهوا يقول انه بكبره خربان مب كفر منسم الحساس بكبره

والسيدي طال عمرك كان المشي على الطريق الوعر اهو اللي يخربه فل يشهد العالم ان جمسات وشفرات السعوديه كل مسجلاتها خربانه <اهم شي يابو خالد قبل لاتدخل الرياض شغل الدبل

وياجدي الزفلت عندنا كله تعبان عشان كذا مسجلي جاته مناعه من الطريق الوعر <مسكت على وعر
وطريقه مخربها احنا خربناها وسويناها

لاعدمتك يابو خالد
وعليكم السلام

ههههههههههههههههههههههههههههههههههههههههههه اعذروني على الضحكه لكن ردودكم تخلي الواحد يموت ضحك كلها طنش تنتعش

انا ما ادري لك عندي في اليوكن 2004 اذا حساس الكفرات يبغاله برمجه بسيط
تحط المفتاح وتخليه على وضع التشغيل ( يعني تكون لمبات الطبلون كلها والعه ) بعدين تروح طال عمرك لمفتاح الأنوار وتشغله وتطفيه 3 مرات يعطيك صوت بوري السياره يعني روح للكفر اللي في اليسار وهو بيكون الكفر الأساسي وأوزن هواه وهاكذا مع باقي الكفرات .

بس قبل كل هذا جرب انك قبل ما تشغل السياره تعطيها 3 دعسات ورى بعض بدون ما تشغل والرابعه خلك داعس الدعسه كلها وشغل (الموتر ما راح يشتغل معاك ) شيل رجلك من الدعسه وارجع شغل السياره ( في هذه الحاله الكمبيوتر يعيد لك كل البرمجه لحاله الصفر ) اذا ما نفعت معاك ارجع للطريقة الأولى
اوان شاء الله تكون نفس الطريقة لأنها سهله .....
تحياتي لك